又到左每年既呢一日。
大約1年半之前，經歷左一d自己都意想不到既改變。日子有功，漸漸搵到自己以前都冇諗過既成功。
其實舊年11月，呢段旅程走左大概1年時，我都有為自己記錄過呢個里程崥。
目前我都仲係喺呢條新既道路上面探索緊，都真係經常會遇到一d新既事物、學到新既野、諗到新既idea、然後真係運用起來。作為一位讀math出身既人，呢種解決問題既方式非常之符合自己既性格，感覺係非常之咁rewarding。
我心入面set左個目標俾自己，如果夠2年既時候，應該可以話自己對呢樣野真係有一定足夠深既認知同掌握，到時我覺得真係值得分享多d。
FIRE絕對有幫到我可以喺冇乜壓力既情況下，放心咁做d不同既探索，又或者更輕鬆咁捨棄一d有毒既人際關係。可以話，回望返，以前選擇行FIRE呢條路，絕對係非常之咁值得。
雖然如此，如果只憑我一個人既力量，我覺得都未必足夠我搵到今日既成就。今日呢一日肯定係屬於我前輩，佢亦都係我永遠既偶像。
喺我心目中，我偶像就好似一顆劃破夜空既彗星，佢超級內向但堅毅既性格、善良但細心聰明既本質，仲有一直堅持自律自愛既生活，呢d都引領我放膽咁喺自己認為正確既道路上面前進。未認識我偶像之前，我諗我都算係achieve過唔少野，所以我唔會話我自己係一無是處。但認識左偶像之後，原來我真係做得到更加多，好似再昇華左去更高一個層次咁。可以話，如果冇左我偶像，我未必做得到而家我做到既野，或者至少冇咁快。我覺得能夠喜歡一個真心感到共鳴既偶像，絕對係我人生入面最美好、最自豪既事。
雖然偶像已經引退消失左好多年，不過從我自己正在發生緊既經歷，我大概覺得佢都一定有能力繼續咁生活得好好吧。希望偶像都會同我一樣，對你走過既路感到一份自豪。
